Бортене́вская битва

Того же лета прииде изо Орды великии князь Юрьи Даниловичь на велико княженье. И приведе с собою татары, Кавгадыя и Астрабыла, и поиде ко Тфери и с всею Низовъскою землею... И пришедше в землю Тферьскую много зла створиша... Великому же князю Юрью Даниловичю пришедшу с полкы близ Тфери за 40 верст... на Бортеневе... и ту князь Михаило выиде противу ему с силою своею, и соступишася обои полци, и бысть сеча зла..., и одоле князь Михаило, победи силу великую княжю Юрьеву... Великии же князь Юрьи виде многы падающе вой его язвени и отъеха в Торжек с малом ратных, а отоля еха в Новъгород... Возврати же ся князь Михаило во град свои с великою победою, избавив ис плена множество душь бывших во скверных руках Татарьских, и возвратишася во свое отечество с великою радостью. А окаанного Кавгадыя приведе князь Михаило в град свои и много чьстив и дарив отпусти его... Великии же князь Юрья Даниловичь совокупив множество Новогородцев и Пьсковичь поиде ко Тфери, и срете его князь Михаило противу Синеевскаго, и ту мало не бысть другаво кровопролитья, и умириша и крест целоваша на том, яко ити обеима во Орду к цесарю