...възлождьше надежду на бога поидоша в вторую неделю поста, а в пяток быша на Хороле, а в неделю крестную выидоша на поле и сташа на реце Гълте, ожидающе вой, и оттуду доидоша Върьскла; ту же в среду на утрени крест целовавше и всю надежду на нь възлождьше, и со многыми слезами, оттуду поидоша и рекы многы преидоша; в пятую же неделю поста приидоша к Донови; в вторник облъкшеся в брони поидоша с Донови, полны изрядивши, к граду Шаруканю. Князь же Володимер [Мономах] повеле попом своим, пред полки идущи, пети тропаре и кондакы и канун кресту и богородици. И приидоша к граду. И Половин вышедше из града и поклонишася князем Русскым, вынесше дары и рыбы и мед. Они же поидоша от того града на утреи к другому граду Сугробу [Сугров] и зажгоша и. Половци же то слышав собрашася и изрядивше полкы своя поидоша к боеви, и съступившеся с Русью начаша битися на потоце Дегея марта 24; и одолеша Русь, и вздавше хвалу богу праздноваша ту на утреи въскресение Лазорево и благовещение, тако же и неделю цветную. В понедельник же великии собрашася иноплеменици, и выступите акы идоли тмы тмами их, и оступиша Русь; и посла бог Русскым полком аггела помощь. И сразишяся полци обои, и треснуша акы гром и сразишяся челома, и бысть брань люта межи има, и падаху обои; и поступи Володимер с полкы своими, а Давыд со своими, и узревше Половци и вдаша плещи свои на побег, и падаху пред полком Володимерим, невидимо бьеми аггелом; и видяху мнози человеци, яко главы летяху невидимо стинаеми на землю. И победиша а на реце Салнице и взяша все богатьство их и многых их рукама яша и рекоша им: «како толика вас сила, и не възмогосте стати на бои, но въскоре побегосте». Они же рекоша; «како можем с вами битися, а друзии верху вас ездять в оружьи светле и страшне, иже помагахуть вам». Токмо се суть аггели от бога послани помагати христьяном. И побеждени быша иноплеменьници марта 27 в понеделник страстный недели, и изъбьено их бысть много множество. И спасе бог люди своя. Святополк [Изяславич] же, Володимир и Давыд и прочий князи Русстии и все воиньство их прославиша всемилостиваго, давшаго им такову победу на поганыя; и въземше полона много идоша с радостью в землю свою.

В се же лето Всеволод Олгович выгна дядю своего Ярослава ис Чернигова, а дружину его изсече и разграби. Мстислав [Великий] же с Ярополком [Владимировичем] совокуписта воя, хотяще поити на Всеволода про Ярослава. И Всеволод посла по Половце и приведе их 7000 с Селуком и с Ствашем, и сташа у Ратмире Дубравы за Вырем и послаша послы к Всеволоду. Яко же поидоша назад от Всеволода, и не пропустиша их Ярополчи посадници, бяху бо седяще по всей Семи, а Изяслава Мъстиславича посадники в Курьске, и поимаша послы Половецьскые и приведоша их к Ярополку. И не бе Половцем вести от Всеволода Олговича, и стоснувшеси с бегом възвратишяся. Мстиславу же боле налегающу на Всеволода, глаголя ему: «повел еси Половце и не успел еси ничто же». Оному же боле емшуся молбе, и бояры подущаа даа. И тако пребысть все лето и до зимы. Ярослав же прииде из Мурома и поклонися Мъстиславу, река: «крест еси целовал ко мне, пойдем на Всеволода». А Всеволод моляшеся Мъстиславу и не успеаше ничто же про-тиву крестному целованию.

Черниговци же возпиша ко Всеволоду, глаголюще: «ты хощеши бежати в Половце, да волость свою погубивши, к чему възратишься. Лучши останися своего высокоумна и проси мира, мы бо вемы милосердие Ярополче, яко не хощеть пролити крови христьяньскыя, милостив бе еси и смирен бога ради, гьи бо и соблюдает Русскую землю смиреньем своим». Всеволод же то слышав и вниде в ся, и посла с покорением и с мольбою к Ярополку; Ярополк же прием молбу его и створи с ним мир и дары взя многы, а свои посла же противу, и взратившися распусти вой.

поиде из Вышегорода к Киеву с полкы своими; и пришед ста у города в Копыреве конци и нача зажигати дворы, иже суть пред городом, месяца марта в 4 день. Вячеслав же противу не изыде, не хотя крове пролияти, но выела к нему митрополита, рек: «аз, брате, приидох зде по братьи своей Мъстиславе и Ярополце по отець наших завещанию. Аще ли ты восхотел еси сего стола, оставя свою отчину, ино, брате, аз еемь мнии тобе буди. Но отъиди ныне Вышегороду, а аз иду в прежнюю свою волость, а Кыев тобе». Всеволод же створи тако, иде Вышегороду, а Вячеслав ис Кыева иде Турову. Всеволод же на утреи марта в пятую в неделю масляную вниде в Кыев.

Лучыпе ми того смерть с своею дружиною на своей отчине и дедине прияти, нежели Курьское взяти княженье, отец бо мои в Курске не седел, но в Переяславли. А се ти не досыти ли волости, всю землю Русскую держащи, ли сее волости въехощешь, то убив мене возми ю, а жив не иду из нее, не дивно бо се нашему роду, преже бо сего и Святополк [Ярополчич] про власть братьи своей не бил ли Бориса и Глеба, а сам много ли поживе.

посыла Всеволод Олгович на Вячеслава Турову, река: «что ради ты седишь в Кыевъскои волости, а достоить ту мне седити, а ты поиди на свою отчину в Переяславль...» В то же время пойма городы Юргевы (Долгорукого] Всеволод, и кони и скот и товар, где что ни буди. Того же лета умирися Всеволод с шуринома своима и отпусти Но-вогородци, а с ними Святополка, его же хотели. И пришедшу же ему в Новъгород, а Ростиславу Юрьевичю тогда сушу в Новегороде, Святополк же сосла его, и иде к отцю в Суздаль.

иде Всеволод на Володимерка к Галичю, и Всеслав, князь Литьскы [князь вратиславский Болеслав, сын Владислава II], зять его, а Изяслава Давыдовича посла в Половце на Володимерка же; и все князи Русские совокупи и иде к Теребовлю.

И да Володимер ко Всеволоду тысящу гривен сребра и двесте, тем бо бяше его умолил. А Всеволод възрати ему грады его, Ушицю и Микулин, а серебром подели братью свою, и раззидошяся в свояси. Того же лета заложи Всеволод церковь Каневъскую июня в 9 день.